كيف تستعد للثانوية العامة

فى بدايه الحديث .. أحب أنوه انى هتكلم عن الصف الثالث الثانوى السنه الدراسيه اللى بتكون بعد الصف الثانى الثانوى وقبل السنه الجامعيه الاولى بمعنى انها مجرد سنه دراسيه زيها زى باقى السنوات الدراسيه نفس المواد اللى بتدرسها طول عمرك .. نفس المدرسين اللى بتتعامل معاهم .. نفس زمايلك .. ولا جديد يذكر الا امتحانات أخر العام وفى الحقيقه هى مش هتكون جديده لأن فى امتحانات سنين سابقه سهل تتعرف عليها من كذا مصدر  هتعرفك على نظام امتحان أخر السنه.

تحديد مستواك الدراسى

هنتكلم فى المقاله دى عن اداره نفسك وتحديد مصيرك فى الثانويه العامه …

فى البدايه لازم تكون واضح  قدام نفسك فى تقييم مستواك  ومتكدبش على نفسك فى النقطه دى بالذات …

أولا: الطالب اللى اتكلم مع نفسه شويه ومحاولش يكذب على نفسه حتى لا يلحق بها الضرر مؤخرا وقيم نفسه ومستواه الدراسى وكانت نتيجه الحوار مع نفسه بأنه طالب مستواه “جيد” – ولا احتاج بالتأكيد للتأكيد على ان جيد هو تقيم للمستوى وليست سب وجلد للذات –  .. حضرتك معاك سنتين تقدر تعيد تقييم نفسك مره اخرى بل مرتين كمان ..  مره فى اولى ثانوى ومره اخرى فى تانيه ثانوى بمعنى انك هتبذل مجهود اكتر فى المذاكره بالتضحيه بما لايفيدك ومنح هذا الوقت للمذاكره وأؤكد لك انها مسأله تعود بمجرد التعود على ذلك فسيصبح للمذاكره الاولويه فى حياتك ولاسيما انها مهنتك الاساسيه فى هذا العمر فمن الطبيعى ان تكون صاحبه الاهميه الاكثر فى حياتك .. وبالطبع سوء النتائج غير مقتصر فقط على عدم المذاكره الجيده لكنها بالطبع أهم عامل وموثر على النتيجه النهائيه فمن الممكن ان نتحدث عنه ونقيس عليه ونطبق الحل على كل ما يؤثر بالسلب على النتيجه …

فبعد ما تديها اهتمام اكتر المفروض ان ده هيظهر تأثيره على نتيجه امتحاناتك فلو النتيجه اتحسنت فى اولى ثانوى فحضرتك عرفت مشكلتك وطريقه حلها وكمان قيمت نفسك تقييم جديد وبناءا عليه قدامك كمان فرصه وهى تانيه ثانوى تكتشف فى نفسك مشاكل اكتر وتحلها وتشوف نتايج الحل ده اللى هتظهر على نتيجه الامتحانات … أما لو مفيش نتيجه ايجابيه يبقى ده معناه انك شايف مشكله قد تكون ملهاش تأثير كبير او لها تأثير بس طريقه حلك ليها كان غلط!

ثانيا: الطالب اللى اتراضى مع نفسه وقالها لأ تؤذينى ولا أوذيكى احنا من الاخر مستوانا “جيد جدا” .. وعلشان الطالب ده مثقف شويه والكلام طول شويه مع نفسه فوصل فى النهايه انه معاه ماتشين وديين قبل الماتس الرسمى فاحنا هنمشى بنفس المنطق بتاع صاحبنا اللى مستواه جيد علشان ننط من جيد جدا لممتاز .. يعنى هنتدرب اكتر ونلعب الماتشات الوديه – اولى وتانيه ثانوى- بحماس وشغف اكبر وطالما تحليل مشاكلنا الدراسيه كان صح وحلينا المشاكل دى بطريقه مثاليه فالنتيجه المرغوبه ستكون مضمونه بلاشك!

ثالثا: الطالب اللى دايما على ميه بيضا مع نفسه ومصاحبها علطول ومستواه “ممتاز”.. وكسبان كل الماتشات الوديه – ابتدائى واعدادى- فده مش محتاج غير انه يفضل بنفس التركيز والتدريب بتاع الماتشات الوديه بالإضافه الى الثبات على البعد عن كل ما يلهيك لأن ببساطه لو جيت تجرب كل اللى كنت بتبعد عنه السنين اللى فاتت علشان ميأثر ش على مذاكرتك! .. ده معناه انك محافظتش على نفس مستوى التدريب فالبتالى ستكون نتيجه الماتش الرسمى – 3 ثانوى-  غير متوقعه وساعتها هتذوق مراره الخساره امام الجمهور لاول مره فى وقت لاينفع فيه الندم .. فابختصار المطلوب هو الثبات على عاداتك فى هذه السنه لتهنأ  بالفوز كالعاده!  

ولا تنسوا الإنضمام إلي جروب تعليم بلس لتعلم كل ما هو جديد لينك الجروب :

جروب تعليم بلس

عن admin

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *